Skip to content 
Adimen artifizialaren mundu dinamikoan, DeepSeek plataforma berritzaile gisa sortu da eta hainbat sektoretan produktibitatea eta eraginkortasuna hobetzea baiesten du. 2023ko maiatzean sortu zuen enpresa Liang Wenfeng-ek Txinan eta jada arreta globala bereganatzea lortu du bere hizkuntza aurreratuko ereduei esker: DeepSeek-V3 eta DeepSeek-R1 zeinak 2025eko urtarrilean plazaratuak izan ziren.
Askotariko aplikazioetarako IA moldakorra
DeepSeek erabiltzaileei, hizkuntza naturala prozesatzeko teknikak eta ikasketa automatikoa erabiliz, hainbat zereginetan laguntzeko diseinatu da. Gai da testu koherenteak eta gizakien antzekoak sortzeko, galderei zehaztasunez erantzuteko, gomendioak emateko eta zeregin errepikakorrak automatizatzeko, tresna gako bihurtuz zenbait arlotan, hala nola bezero-euskarrian eta eduki-sorkuntzan.
Gainera, DeepSeek informazio konplexuaren analisian lagunduz eta hainbat industriatan berrikuntza azkartuz tresna baliotsua bihurtu da ikerketan eta garapenean.
Berrikuntza eta eraginkortasuna MoE teknologiarekin
DeepSeek bere lehiakideetatik bereizten duena “Mixture-of-Experts” (MoE) ingeniaritzan oinarritutako bere arkitektura da. Honi esker kontsulta bakoitzean modeloaren zati bat bakarrik aktibatzen du, baliabide konputazionalen erabilera optimizatuz. Ikuspegi horrek nabarmen murrizten du energia-kontsumoa errendimendua arriskuan jarri gabe eta ondorioz, irtenbide errentagarria eta eraginkorra da.
DeepSeek-ek ere proba eta errorean oinarritutako ikasketa-prozesu bat erabiltzen du (giza ikaskuntzaren antzekoa) eta horri esker azkar garatu eta etengabe hobetu da.
DeepSeek vs. ChatGPT: ChatGPTren hegemonia arriskuan dago?
DeepSeek-ek erantzun zehatzak eta lengoaia prozesatzeko eraginkortasun handia eskaintzen dituen arren, ChatGPT-ek ez bezala, oraindik ez ditu funtzio aurreratuak, hala nola, irudiak sortzea edo ahots bidezko interakzioa. Hala ere, bere DeepSeek-V3 eta R1 modeloak gogor lehiatzen dabiltza OpenAIren modeloekin testua eta kodea sortzeko. IAren laguntzaile erabilerraz bat bilatzen duten erabiltzaileentzat alternatiba merkeagoa eskaintzen du.
DeepSeeken abantaila handietako bat bere prezioen politika da. OpenAI-k 15 milioi $ tokeneko sarrera eta 60 milioi $ tokeneko irteera kobratzen dituen bitartean, DeepSeek-ek kostu horiek 0.55$ eta 2.19$ arte murrizten ditu hurrenez hurren, aukera erakargarria bihurtuz.
Txinak eta Estatu Batuek gero eta lehia handiagoa dute IA-ereduak garatzeko eta ondorioz, errentagarritasunean eta baliabideen optimizazioan duten ikuspegiak eragile garrantzitsu bihur lezake sektore teknologikoaren bilakaeran.
Irisgarritasuna eta harpidetza planak
DeepSeek-ek doako bertsioa eta ordainpeko planak eskaintzen ditu behar handiagoak dituzten erabiltzaileentzat. Doako bertsioak oinarrizko funtzionalitateetarako sarbidea ematen du eta premium planek, berriz, APIak eta gaitasun aurreratuak erabiltzeko aukera ematen dute zeregin zorrotzagoetarako.
DeepSeek probatzeko interesa dutenentzat, sarbidea erraza da bere web-plataformaren eta aplikazio mugikorren bidez. Lehenespenez, erabiltzaileek DeepSeek-V3rekin elkarreraginean jarduten dute, baina DeepSeek-R1 hauta dezakete analisi sakonagoa eta arrazoitze logikoagoa behar duten zereginetarako.
